Dagsverk auðar veitir unglingastarfi félagsins styrk

Dagsverk Auðar veitti þann 17. desember Umsjónarfélagi einhverfra styrk til að halda áfram með sumarstarf fyrir unglinga. Dagsverk Auðar er samfélagsverkefni starfsmanna Auðar Capital. Það felst í því að starfsmenn gefa andvirði launa sinna í einn dag á ári í verðugt málefni. Ennfremur vinna allir starfsmenn Auðar sem nemur einum vinnudegi á ári í þágu góðs málefnis. Styrkúthlutanir fara fram í júní og desember ár hvert. Að þessu sinni sóttu 10 góðgerðar og stuðningssamtök um fjárstyrk. Umsjónafélageinhverfra hlaut styrkinn að þessu sinni. Í umsögn úthlutunarnefndar sem skipuð er þremur starfsmönnum Auðar kom meðal annars fram að skynsamleg nýting fjármuna, skýr markmið og fagleg vinnubrögð hefðu haft úrslitaáhrif við val á styrkþega. Við þökkum starfsmönnum Auðar Capital HF kærlega fyrir veittan styrk.