Stuðningshópar fyrir einhverf ungmenni og fullorðna á Akureyri og nágrenni

Hópastarf fyrir ungmenni- Klúbburinn: 

Hópurinn hittist annan hvern þriðjudag yfir vetrartímann frá klukkan 17:00 - 19:00 og er fyrir ungmenni í 8. bekk og eldri. Markmiðið með hópnum er að efla virkni ungmennanna, kynna þau fyrir öðrum í svipuðum sporum og bjóða upp á tækifæri til að gera það sem jafnaldrar þeirra eru að fást við í sínum frítíma. Ungmennin verða að vera sjálbjarga og greiða sjálf fyrir það sem þau taka þátt í t.d. bíó eða kaffihús. Hópurinn er með aðstöðu í Rósenberg, Akureyri.

Þegar Klúbburinn er í Rósenborg er lögð áhersla á ánægjulega samveru og samskipti. Vinsælt er að spila, fara í borðtennis, syngja í karoke, fara í ýmiskonar leiki og taka upp stuttmyndir.

Reynt er að nýta sem best þau tækifæri sem eru í nærsamfélaginu á hverjum tíma. Klúbburinn hefur heimsótt ísbúðir, kvikmyndahús, keiluhöllina, íþróttahús, sundlaugina. Það sem er allra vinsælast og enginn vill missa af er þegar Klúbburinn fer út að borða, á kaffihús eða eldar saman.

Hópastarf fyrir fullorðna:

Hópur fullorðina á einhverfurófi hittist einu sinni í mánuði yfir vetrartímann, á þriðjudögum. Staðsetning og nánari upplýsingar á facebooksíðu hópsins: Fullorðnir á einhverfurófinu - Akureyri og nágrenni.

Hópurinn gerir ýmislegt eins og að fara út að borða, á kaffihús, elda og á síðasta ári fór hópurinn saman á tónleika á Græna Hattinum, þannig að alltaf er verið að leita leiða til að njóta sem best þess fjölbreytta og skemmtilega menningarefnis sem er í boði á Akureyri. 

Umsjónarmenn eru Birna Guðrún Baldursdóttir iðjuþjálfi (birnag@akmennt.is / 860-3982) og Sigríður Hreinsdóttir kennari (siggahr@akmennt.is / 845-9871)

Nánari upplýsingar um hópana veitir Sigrún Birgisdóttir í síma 897-2682 og á netfanginu einhverfa@einhverfa.is.