Þú ert hérna:
 

Tina Forsberg hleypur hringveginn til styrktar Einhverfusamtökunum

Tina5

Hlaupakonan Tina Forsberg er á leið til landsins og ætlar að hlaupa hringveginn til styrktar Einhverfusamtökunum. Hún hleypur af stað frá Reykjavík 1. júlí og áætlar að verða um 6 vikur á ferðinni hringinn.

Hægt er að styrkja Einhverfusamtökin með því að senda SMS-ið "einhverfa'' í nr. 1900 og styrkja samtökin um 1900kr, eða leggja beint inn á reikning samtakanna, kt: 700179-0289, banki: 0334-26-2204.

Tina verður ein á ferð með allan sinn farangur í kerru. Þvílík afrekskona!  Hægt er að fylgjast með hlaupinu á bloggsíðu Tínu https://forsbergtina.wordpress.com/ og á instagram síðu hennar https://www.instagram.com/tiinaforsberg/

 

LINDASKÓLASPRETTURINN

lindaskoli2

Lindaskólaspretturinn
Nemendur í 1. – 6. bekk tóku þátt í hlaupi sem kallast Lindaskólaspretturinn þann 3. Júní.

Lindaskólaspretturinn er áheitahlaup.
Nemendur gátu valið að hlaupa 2 – 8 hringi. Hver hringur er 1,25 km þannig að nemendur vöru að hlaupa 2,5 – 10 km. Nemendur stóðu sig mjög vel og ótrúlega margir sem hlupu 10 km á öllum aldri. Allir voru glaðir í lok dags enda hlaupið í bongóblíðu.

Í ár 2016 safnaðist um 130. 000 og var ákveðið á styrkja Einhverfusamtökin og kom fulltrúi þeirra og tók við ávísun og færði skólanum og nemendum kærar þakkir fyrir.

 

REYKJAVÍKURMARAÞON íSLANDSBANKA

11863386 10153703513763812 4050832483897179381 n
Reykjavíkurmaraþon Íslandsbanka 2016 fer fram þann 20. ágúst og verður þetta í þrítugasta og þriðja sinn sem hlaupið er haldið. Einhverfusamtökin eru meðal fjölmargra félagsamtaka sem þátttakendur í Reykjavíkurmaraþoni geta hlaupið fyrir og um leið vakið athygli á málstaðnum. Áheitasöfnun fer fram á vefnum https://www.hlaupastyrkur.is/godgerdafelog/charity/28/einhverfusamtokin 
 
Það er einfalt fyrir hlaupara að stofna aðgang á hlaupastyrkur.is og safna áheitum. Byrja þarf á því að skrá sig í hlaupið á marathon.is. Í skráningarferlinu er hægt að velja eitt af skráðum góðgerðafélögum en Einhverfusamtökin eru eitt þeirra, og stofnast þá viðkomandi sjálfkrafa á hlaupastyrkur.is að skráningu lokinni. Einnig geta skráðir hlauparar farið inn á hlaupastyrkur.is og stofnað aðgang í örfáum einföldum skrefum.
 
Hægt er að deila söfnunarsíðu hlaupara á samfélagsmiðlum og hvetja þannig vini og vandamenn til að heita á sig. Hver sem er getur farið inná hlaupastyrkur.is og heitið á skráða hlaupara.
 
Hægt er að greiða áheit með kreditkorti, millifærslu eða með því að senda sms skilaboð.
 
Um leið og við hvetjum sem flesta til að taka þátt í Reykjavíkurmaraþoni Íslandsbanka minnum við á áheitasöfnun því samfara. Í ágúst verðum við með boli með merki samtakanna á skrifstofunni sem hlauparar geta fengið gefins.
 

Fræðsluátak Einhverfusamtakanna

Sigga

Í þessu myndbandi er rætt við Sigríði Tinnu Bjarnadóttur nemanda í Öldutúnsskóla Hafnarfirði. https://vimeo.com/166178384

 

Fræðsluátak Einhverfusamtakanna

Jakob

Í þessu myndbandi er rætt við Jakob Vífil Valsson. https://vimeo.com/165922469

 

Fleiri greinar...

Síða 1 af 27