Unglingahópar
Hugsuðir - unglingahópur á vegum Umsjónafélags einhverfra.
Í febrúar 2009 var farið af stað með unglingahóp á vegum Umsjónarfélags einhverfra. Hópurinn er hugsaður fyrir ungmenni á einhverfurófi á aldrinum 12-17 ára og markmiðið er að efla virkni þeirra, kynna þau fyrir öðrum unglingum í svipuðum sporum og bjóða upp á tækifæri til að gera það sem jafnaldrar eru að fást við í sínum frítíma.
Hópurinn hittist annan hvern mánudag milli kl. 17:30 og 19:30 í félagsmiðstöðinni Tónabæ. Áhersla er lögð á félagsleg samskipti í því formi að hafa gaman, taka þátt í tilboðum í samfélaginu ásamt ýmis konar samveru. Sem dæmi hefur verið farið í keilu, út að borða, gönguferðir og tekist á við ýmsar þrautir úti og inni.
Að öllu jöfnu eru umsjónarmenn hópsins þrír til fjórir og þeir hafa sérþekkingu á einhverfurófsröskunum.
Nánari upplýsingar um hópinn veitir Sigrún Birgisdóttir í síma 897 2682 eða sendið póst á póstfangið Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.