Reykjavíkurmaraþon Íslandsbanka

Reykjavíkurmaraþon Íslandsbanka verður haldið 18. ágúst.  Er þetta hlaup mikilvæg fjáröflunarleið fyrir Umsjónarfélag einhverfra því allir þeir sem taka þátt í hlaupinu geta skráð sig til hlaups til styrktar ákveðnu málefni og erum við svo heppin að undanfarin ár hafa margir hlaupið til styrktar félaginu.

Á síðunni http://hlaupastyrkur.is/godgerdafelog/felag/700179-0289  eru þeir skráðir sem hlaupa fyrir Umsjónarfélag einhverfra. Þar getur almenningur farið inn, skoðað hlaupara og heitið á þá með kreditkorti eða með því að senda sms skeyti. Þannig er hægt að hvetja hlauparana til dáða og láta jafnframt gott af sér leiða. Hægt er að heita á hlaupara fram að miðnætti mánudaginn 20. ágúst en hlaupið fer fram laugardaginn 18. ágúst.

Endilega komið þessum upplýsingum áfram til vina og ættingja. Þið sem ætlið að taka þátt í hlaupinu, munið að skrá ykkur þarna inn ef þið hafið áhuga á að styrkja félagið.

Réttarholtsskóli - lokaverkefni um einhverfu

Fjórar stúlkur úr Réttarholtsskóla eru að gera lokaverkefni um einhverfu. Þær ákváðu að efla til happdrættis í hverfinu sínu og ganga í hús og selja happdrættismiða. Allur ágóðinn mun svo renna til frístundaklúbbs fyrir unglinga "Hugsuðirnir" hjá Umsjónarfélagi einhverfra. Þær munu einnig setja inn upplýsingar um  einhverfu á heimasíðu sína og nánari upplýsingar um happadrættið og verkefnið: www.sfue.bloggar.is 

Útlit heimasíðunnar

Heimasíðan kemur ekki rétt fram hjá mörgum sem nota vafrarann Internet Explorer.  Verið er að vinna í þeim málum. Ef notast er t.d. við vafrarann Google Chrome þá kemur útlitið eins og það á að vera. Hægt er að hlaða Google Chrome niður á vefslóðinni: https://www.google.com/chrome 

Nýr bæklingur um Einhverfu og aðrar raskanir á einhverfurófi

Kominn er út nýr bæklingur hjá Umsjónarfélagi einhverfra um einhverfu og aðrar raskanir á einhverfurófi.  Ritnefnd félagsins samdi textann en myndskreytingar í bæklingingnum eru eftir Valrós Gígju Aradóttur.  Lionsklúbburinn Víðarr styrkti útgáfu bæklingsins.  Bæklingurinn er 12 síður í A5broti. Hægt er að nálgast bæklinginn á skrifstofu félagsins.

Aðalfundur Umsjónarfélags einhverfra

Aðalfundur Umsjónarfélags einhverfra verður haldinn miðvikudaginn 25. apríl 2012, klukkan 20:00.

Fundarstaður: Háaleitisbraut 13, salur á 4. hæð.

Fundarefni:
Venjuleg aðalfundarstörf.
Önnur mál.

Félagsmenn eru hvattir til að fjölmenna og kynna sér starfsemi félagsins, taka sameiginlegar ákvarðanir um þau málefni, sem eru framundan hjá félaginu. Það þarf sífellt að vera vakandi vegna velferðarmála einhverfra, og því áríðandi, að sem flestir taki þátt í félagsstarfinu.

Kær kveðja, stjórn Umsjónarfélags einhverfra.

Bókin The Golden Hat Talking Back To Autism

Bókin The Golden Hat Talking Back To Autism komin í verslanir Hagkaupa en einnig er hægt að kaupa bókina á heimasíðunni  www.goldenhatfoundation.org.  Bókin er seld til styktar fólki á einhverfurófi og rennur ágóðinn í sjóðinn "The Golden Hat Foundation" sem Margrét Dagmar Eriksdóttir stofnaði ásamt  Kate Winslet. 

Sumarnámskeið fyrir unglinga

Einhverf dagleið – Myndir úr lífi fjölskyldu

Í salnum á 4. Hæð á Háaleitisbraut 13 stendur yfir ljósmyndasýning. Daði Gunnlaugsson, nemi í ljósmyndun við Tækniskólann tók þessar myndir  vegna verkefnis sem gekk útá að mynda fólk í sínu eðlilega umhverfi. Ákvað hann að taka myndir af fjölskyldu sem er öll á einhverfurófi. Eru myndirnar mjög lýsandi og sýna aðstæður þeirra heimafyrir.

Myndirnar munu hanga uppi fram yfir aðalfund félagsins, 25. apríl.

Fundur hjá hópnum Út úr skelinni

Fundur hjá hópnum Út úr skelinni verður haldinn á morgun sunnudaginn 15.
apríl, kl. 15:15 - 17:15 á Háaleitisbraut 13, 4. hæð. Tobbi og Guðrún mæta.

Netfangið komið í lag

Nýja netfangið okkar einhverfa (hjá) einhverfa.is er komið í lag. 

Kastljós, Kate, Margret og Gullni hatturinn

Við viljum minna á viðtalið við Kate Winslet og Margreti D. Ericsdóttur í Kastljósinu í kvöld, föstudaginn 13. apríl. 

Bókin góða The Golden Hat; Talking Back To Autism, eftir Kate Winslet, Kela Thorsteinsson, og Margreti D. Ericsdóttur, mun fást í Hagkaupum og fæst einnig á www.goldenhatfoundation.org, Amazon.com, Amason.co.uk

Svo bara allir að tryggja sér eintak og eintök til tækifærisgjafa, þannig ljáum við þessum einstaklingum rödd og sýnileika. Það borgar sig ávallt margfalt til baka að gefa með hjartanu.

Foreldrahópar í kvöld og á morgun

Við minnum á foreldrahópana í kvöld og á morgun.

Reykjavík:

Hópur foreldra barna með Aspergersheilkenni/ ódæmigerða einhverfu mun hittast   miðvikudagskvöldið 11. apríl klukkan 20:00, að Háaleitisbraut 13, í fundarsal á 4. hæð.

Hópur foreldra barna með einhverfu í leikskólum/grunnskólum mun hittast miðvikudagskvöldið 11. apríl klukkan 20:00, að Háaleitisbraut 13,fundarherbergi 4. hæð.     

Vestmannaeyjar:     

Einhugur, foreldrar Eyjabarna á einhverfurófi, ætla að hittast  miðvikudaginn 11. apríl í heimahúsi. Nánari upplýsingar hjá Guðrúnu í síma 698 5510 eða sentið tölvupóst á gudrun(hjá)vestmannaeyjar.is. Upplýsingar koma einnig inn á http://einhugur.blog.is og facebook síðuna Einhugur foreldrafélag.

Reykjanes:

Hópur foreldra á Reykjanesi mun hittast fimmtudagskvöldið 12. apríl kl. 20:30 í Ragnarsseli, húsi Þroskahjálpar, Suðurvöllum 7, Reykjanesbæ.  Vonumst til að sjá sem flesta.  Kveðja, Jóhanna María, johannamaria(hja)simnet.is, sími:  862-8209.

Allir eru velkomnir í hópastarfið.  Ekki þarf að tilkynna þátttöku.

Vesen með póstfang

Því miður hefur verið eitthvað smá vesen með nýja póstfangið okkar, Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það. . Þangað til það er komið í lag þá er ennþá gamla póstfangið okkar virkt, Þetta tölvupóstfang er varið gegn ruslpóstsþjörkum, Þú verður að hafa JavaScript virkt til að sjá það.

Hópur kvenna með einhverfu eða aspergersheilkenni

Hópur kvenna með einhverfu eða aspergersheilkenni hittist í kvöld 3. apríl kl. 20, Háaleitisbraut 13, 4. hæð. 

Ný heimasíða

Í dag, 2. apríl, á alþjóðadegi einhverfu er ný heimasíða Umsjónarfélags einhverfra komin í loftið. Mikil vinna liggur á bak við síðuna og er henni ekki lokið. Síðan gæti því tekið smávægilegum breytingum á næstu vikum.

Það er von okkar að síðan geti verið vettvangur fyrir foreldara, aðstandendur og aðra þar sem hægt er að leita að upplýsingum um einhverfu, einkenni, aðferðir og réttindi ásamt fleiru.

Við óskum öllum til hamingju með daginn og vonum að þekkingu um einhverfu verði dreift sem víðast í dag sem og alla daga.